أشكركم جميعاً .. شكراً شكراً

Profile.::][][::.ANGEL.::][][::...PhotosBlogLists

Tools

Help

< Previous

30 May

أشكركم جميعاً .. شكراً شكراً

هأحم أحم

أول شي السلام عليكم و رحمة من الله و بركاته

ثاني شي أشكركم كلكم على هذا الإنتظار الطويل

و أحيي فيكم طولة بالكم

و صبركم على مرارة الإنتظار

...

قاعد احـــــووس في النت

من سبس إلى سبيس إلى سبيس إلى سبيس

و أنواااع الملل و الفياخ و الزَّهَقان

و فجأه !!

جاتني فكره ..... !

يا ولد ليش ما تدخل سبيسك ...........

و توكلت على الله و دخلت السبيس

فتحت الصفحه

طلع من الشاشه غبار

و كان الكنب و الأثاث كله مغطى بقماش أبيض ..

و الكهرب ما يشتغل

<<<<<<<<< سبيس أشباح

المهم .. شبكت واير الكهرب الرئيسي مع بطارية السياره

و شغلت اللمبات

و نظفت الأرضيه

و شلت القماش من على الأثاث

و رجعت المياة إلى مجاريها

...............................................

][][ ليش ما اكتب في السبيس ][][

؟؟؟

هنالك أسباب عدّة

أول شي انا اووول ما شفت السبيسات قلت حق اختي تعالي تعالي

أبي سبيس

وقعدنا عشان نسوي سبيس

سوينا كل شي

بس يوم قال لي حط ايميلك حطيت إيميلي اللي على الهوت ميل

قال لي ما يستوي السبيس

و جربت مره و مرتين

مب راضي يستوي

عاد انا اشتغلت عندي الأفكار الجهنميه

و قلت ليييييييييييييييش ما اقص

عليهم و احط نفس ايميلي بس بدال الهوت ميل أحط الياهوو

و حطييت الياهوو و زبط السبيس

رحت فتحت المسنجر أبي أفتح سبيسي الجديد

... ما فيه شي يدل على وجود سبيس لهذا الإيميل

و قعدت افكـــّــــر ليييش ما فيه

و بعدين استنتجت إن ما فيه لأن انا كتبت الإيميل على الياهوو

رحت الياهوو أبي اسوي لي ايميل هناك ... يمكن يطلع لي حل من هنا و لا من هناك

رحت الياهوو .. من وين يسوون إيميل .. مادري .. ما اعرف اسوي إيميل

يللللللللللللعن أبو الحاااااللله

يعني اذا أبي اسوي ساين إن في السبيس لازم افتح السبيس بعدين اضغط على ساين إن بعدين اسجل الإيميييل اللي على الياهوو ( اللي مب موجود في الأصل ) بعديييييييييييين اضغط ساين إن عشان ادخل هنا و أكتب موضوع

<<<< يلعن أبو المشواااار

لهذا السبب انا اتكييسل ادخل السبيس و اكتب فيه

هذا سبب و السبب الثاني

ألا وهو

إني مب فاضي حق النت

اربع ساعه و عشرين << يعني اربعه و عشرين ساعه

المهم .. اربع ساعه و عشرين اشتغل حق الجامعه

بس الحمد لله أثمرت الجهود و انتجت درجات كوييسه و لله الحمد

بس الحين خلصنا الإمتحانات و خلصنا كووول إشي

أحس إني انطلقت إلى الحياة ...

أحس إني اقدر اتنفس الحين ..

انزيـــــــــــــــــــــــــــــــــــــــــــــن

خلونا من هذا كله

ندخل في موضوعنا

هــل تعتقد أو هــل تؤمن بوجود حياة خارج كوكب الأرض ؟؟

سؤالك بايخ

...

لا لا انا بالنسبه لي ما اعتبره بايخ

يا أخي كل واحد حر يعتقد باللي يبي

<<<< زين لا تعصب

انا اعتقد إن فيه حياة خارج كوكب الأرض

لا تقولون شلون و لا شدراك

انا تهاوشت مع فلان الله يستر علينا و عليه عشان هالسؤال

هــــــل تعتقد إن الكـــووون كــلـــــــــــــه ما فيه حياة إلا على كوكب الأرض ؟؟

مب لازم تكون الحياة اللي خارج كوكب الأرض حياة بشريه

أو مخلوقات فضائيه غريبه و شريره و مفترسه مثل ما يتصور البعض

كائنات مجهريه مثلاً ...

و دخلنا في نقاش و صراخ و ام الفوضى

و في الأخير و لا واحد اقتنع براي الثاني

انتوا تأمّلوا في الكون و عطوني رايكم

إإإإإخـص يا مثقّف

بــــــــــــــــــــــــأإأإأإأإيــز

03:34 | Blog it

Comments (7)

To add a comment, sign in with your Windows Live ID (if you use Hotmail, Messenger, or Xbox LIVE, you have a Windows Live ID). Sign in

Don't have a Windows Live ID? Sign up

	ms. 8zomawrote: انا الحين ماني راده عليك ! باخذ راي الأغلبيه وأتأكد !!! مابي اقول شي ويطلع غلط , 29 July
	DJ-3baswrote: وأخيرا رجعت ياسيئ الصيت إيه مرد الحبيب لسبيسه يعود والمخلوقات الثانية لو موجودين .... بقران إذا يجون الارض من زينها ؟؟؟؟ عاد تخيل تنزل مركبة فضائية في جيزان .... وتاخذ فكرة سيئة عن البشر ....... لالالالالالا ... حتى لو فيه مانبيهم 11 July
	Angel ...wrote: السلام عليكم . هلا والله بسميي . . تذكرني ؟ ولا غبر علي الغبار مع الكنب وباقي العفش . كيفك . عالبركه الدرجات الكويسه وعقبال الدكتوراه . اما سالفه ايميل الياهو !! ياخي وشدخل هذا في هذا خخخخخ بس اشوى اكتشفت انو مو انا بس اللي اقعد احوس واخبص في اشياء مالها دخل لحد ما يزبط فيه احد غيري خخخخخخ . ............. بالنسبه للكائنات الفضائيه هذي اشياء في علم الغيب . اذا في الكره الارضيه ما اكتشفوا كل الكائنات شلون عاد في الفضاء على قولته كل اللي ردوا اكيد فيه بس ما ندري وشي بس . سوري عالاطاله باي 18 June
	wjoOodwrote: انا اعتقد ان مو معقولة كون شكبره ا فيه الا نحنا البشر اكيد في مجرات ثانية فيها شي مخلوقات غير الكائنات الارضية .. بس شنو ما يهموني بشي يكفيني ارضي وما عليها حتى اهتم فيه أقعد أفكر شنو يحتوي الكون من كائنات لاويه :) ولكم باك ابن عمو سي يا 15 June
	Yousef Alnemerwrote: اقتباس: ------------ يعني يمكن يكونون شي مخلوق من صخر ممكن يكونون شي مخلوق من كهرب ------------ قال لك مخلوقات فضائية ما قال بوكيمون >_> .. امم لكن على كل حال رايك و نحترمه ^^ .. اممم ممكن يكون في مخلقوات خارج الأرض ليش لأ @@ .. لكن الاحتمال الأكبر بنظري - لو كانوا موجودين - اما بيكونون بيكتيريا و مخلوقات مجهرية أو نباتات .. لكن ما أضن ان لهم هالأشكال الغريبة اللي يتصورونها البعض .. و لو كانو غير ذلك .. ما أضن انهم وصلو للدرجة التطور اللي يعرضونه في الأفلام <-- هذا لو كانت عاقلة - مع ان أغلب ضني انها غير عاقلة لو كانت موجودة -.. لأن لو كانت عاقلة فطبعاً لازم يكون لهم دين .. و حساب .. جنة و نار .. فممكن يكونون جن لكن خارج الأرض ؟ الله أعلم.. 5 June
	ღ Roo7 ღwrote: ^_^ عدتوا والعود أحمد .... 1 June
	м③αℓηємєяwrote: أنا صخصياً أتوقع انه في مخلوقات خارج الأرض أكيييد وكالعاده أنضم إلى فكرتك تماااااااااااامـن في مخلوقات في الفضاء بس إحتمال 99.9% انهم مب مثلنا يعني يمكن يكونون شي مخلوق من صخر ممكن يكونون شي مخلوق من كهرب لهم أشكال غير و كل شي في حياتهم غير و يمكن ان احنا نوصلهم بس انهم ما يشوفونا ولا نشوفهم ياخي هذا الجن عايشين ويانا ولا نشوفهم ولا يشوفونا ولا حتى واحد منهم يتنزل يسلم على البني آدمين ياخي هذا انت واحد عايش معاي على نفس الكوكب ولا أشوفك هعهعهعهعهعهع يمكن لأنك مخلوق من شورما ولا مخلوق من بلوتوث سؤالك محير الصراحه يخلي الواحد يحوس أنا أمس كأني حسيت إن الشجره الي كانت يم شقتنا ما كانت موجوده يمكن انها تقدر تمشي بس انهامستحيه تمشي قدامنا لو أدري إنها تمشي كنت حطيت لها كمبيوتر على الأقل تحوس في السبيسات مثل باقي العالم هععهعهعهعهعههع وطحياطي لكـ بعد حيي 31 May

Trackbacks

The trackback URL for this entry is:

http://angel55havip55.spaces.live.com/blog/cns!D55F64622DC5261E!386.trak

Weblogs that reference this entry

None